بالنقر هنا

[ميلاد اليماني]

البارحه بالمنام جت بنت تخطبني=دقة على باب داري دونما ميعاد
من شفتها حيرة الدنيا بقت فيني=حسيت قلبي ونبضه داخلي يزداد
وقفت مذهول شاخص بالنظر عيني=ثابت مكاني تقول اقدامي الاوتاد
تنحنحت بابتسامه قالت افتيني=عن بنت اجاود نوت تخطب من الاجواد
فقلت جود(ن)خطب جود(ن)على ديني=وفخر ناسب شرف واثنينهم اسياد
ردت وقالت جوابك حيل اعجبني=اثلجت صدري بردك حاوي الابعاد
ثوب الخجل في مقامك كم يغطيني=لكن صمتي تعبت اخزنه في برّاد
في ليل عشقك عيوني ما تنيمني=تعبت انشد وصالك والسكوت ما فاد
في مجتمعنا حكايا كم تبكيني=خوف القوارير يكسرها هوى الجلاد
فجيت اطلب يدك ياليت تفهمني=في خاطبه تكسر الأعراف والأقياد
جريئة(ن) لو بغيت انك تسميني=أنثى ولكن لها هيبه على الاشهاد
سيرة خديجه وفيها ما يحمسني=تخطب رسول الهدى ما همها النقاد
كثير مثلي بنات لو شيت حلفني=بس الحيا قد منعهن والحيا مرصاد
لو يسمحوا للبنات تخطب فصدقني=ما كان عازب بقي من غير ما ينصاد
والحين ابغي جوابك فيه ريحني=مهما يكون والعظيم ما احمل الاحقاد
وقهوة الضيف ما نلمس لها صيني=من قبل نسمع جوابك والفتى ما راد
وقبل انطق جوابي صوت قيمني=الفجر أذن ينادي معشر الرّقاد
ادركت ان الجواب ما عاد يمديني=يا كم تمنيت ترجع والكلام ينعاد
واقول انا رهن عينك دام جيتيني=تعجبني البنت لا كانت كما المقداد

بقلم

اخوكم


ميلاد اليماني

[صدى الحرمان]

اقتباس : ادركت ان الجواب ما عاد يمدينييا كم تمنيت ترجع والكلام ينعاد واقول انا رهن عينك دام جيتينيتعجبني البنت لا كانت كما المقداد

الله عليــــــــــــــــــــــــــك..

وانا اعجبتني كلماتك...وتستاهل تقيم..
وتستاهل الشكر على الابداع بالاحساس والمعنى

تحيتي لك..

صدى الحرمان..

[ميس]

,


صح الله لسانك شآعرنا
قصيدة رائعة شِعرآ ومضمونآ .. :)


,

شُرِفتْ بـِ قرآئتُهآ ..


:

تحيتي., مَيسْ

[ميلاد اليماني]

صدى الحرمان

ميس

جميل شكري

واعطره لكما

تحياتي

[عآآلي مستوآها]

صح الله لسااااانك شاعرنا
......